Ако имате работа на која го поминувте поголемиот дел од Вашето време на компјутер, веројатно веќе сте го почуствувале она чувство на болка во очите, главата, вратот и ‘рбетот, па одеднаш станувате многу уморни. Овие симптоми ги чувствуваат повеќето луѓе кои долго време работат на компјутер.
Се поставува прашањето; Дали компјутерот навистина ги уништува очите, или не?
Сеуште не е докажано дека работата на компјутерот предизвикува оштетување на видот, но исто така е безбедно да се каже дека горенаведените симптоми се сигурни.
Што предизвикува замор, иритација на очите, главоболка итн?
Додека работиме на компјутер, ние сме во континуирана активност без менување на позицијата на телото. Во исто време, се прават големи побарувања за нашиот вид и се користи многу кратко работно растојание од 30 до 80 cm. Честите промени во погледите помеѓу мониторот и тастатурата претставуваат огромен напор за окуларните мускули кои работат без прекин. Непријатности, исто така, придонесуваат; отсјајот на екранот, несоодветното осветлување и несоодветното седење. Кога сите овие фактори се комбинираат, ние брзо ја преминуваме границата на нашите способности и понатамошната работа на компјутерот станува болка.
Како да ја олесниме работата на Вашиот компјутер?
Осветлување – Областа околу работното место мора да биде доволно осветлена. Идеално решение е дневна светлина или класична сијалица. Не е препорачливо да се користат флуоресцентни светилки поради вибрации
Монитор– колку подобар, толку подобро за Вашите очи. Треба да биде доволно голем за да не ги тресете очите при читање мали букви. Идеално е да имате LCD монитор, бидејќи класичниот CRT монитор работи на принципот на вибрации.
Елиминирање на рефлексија – Работејќи во средина каде се е светкаво може да биде многу вознемирувачки. Препорачливо е да се отстранат предмети кои обезбедуваат премногу сјај и да се опкружувате со потемна внатрешност.
Елиминирањето на рефлексијата исто така важи и за вашите очила (ако ги носите), бидејќи Вашите очила го одразуваат одсјајот на мониторот, со што се намалува визуелната острина. Затоа, многу е важно да користите диоптерски леќи со квалитетен антирефлексен слој.
